Ofis blong Utilities Regulatory Authority (URA) i wantem talemaot long ol pipol mo kastoma blong Wintua-Lorlow electricity grid se ol wok blong muvum line blong eletriciti we i krosem riva bitwin Lorlow mo Wintua i bin finis gud.

Line i bin muv i go long wan niufala ples andanit long graon, we hemi abaot 200 mita long mo hemi connect long wan OG box long Lorlow mo narafala wan long Wintua. Ol box oli putum long wan ples we i stap long hae graon, antap long flood line, blong mekem sure se flooding pae i no save spolem ol equipment ya. Mo tu, oli bin putum wan strip blong woning tape antap long electik line we i stap andanit long graon, blong mekem se ol man we oli dig kolosap long rod blong line ia oli save se line i stap andanit

URA i konfemem se electric line ia i bin connect gud, mo saplae blong eletriciti i stap ron gud finis long hem. Wok ia hemi blong katem daun risk blong flooding mo help blong protektem netwok from eni problem long future.

Thank yu blong coperesen mo andastading blong everiwan.

Manajmen blong URA